Saturday, January 19, 2013

Partridge&Orange



                     ეს არის იმიტაცია, რომელსაც მრავალსაუკუნოვანი ისტორია აქვს და დღემდე განსაკუთრებული პოპულარობით სარგებლობს. პირველი ცნობები მის შესახებ მეთხუთმეტე საუკუნის ბოლოს გვხვდება ცნობილი ჯულიანა ბერნერსის წიგნში, თუმცა დასრულებული სახე მან მეცხრამეტე საუკუნეში მიიღო.  Partridge&Orange - ს აერთიანებენ სველი იმიტაციების ცალკე მდგომ კატეგორიაში, რომელსაც ეწოდება North Country Spiders. ეს კატეგორია კი, თავის მხრივ შედის Soft Hackled Fly - ს კლასში, რომელშიც ერთიანდებიან სველი სატყუარები, რომლებსაც არ აქვთ ფრთები. ამ კატეგორიას დასაბამი შოტლანდიის მდინარეებზე დაედო. კონკრეტულად  Partridge&Orange პირველად მოხსენიებულია პრიტის (T.E. Pritt)  1865 წელს გამოცემულ წიგნში Yorkshire Trout Flies. თავდაპირველად მის დასამზადებლად იყენებდნენ მხოლოდ აბრეშუმის ძაფს Pearsall's Gossamer Silk და კაკბის ბუმბულს



                შემდგომში დაემატა წვრილი სპილენძის მავთულით გაკეთებული სეგმენტაცია და დაბინგის ტორაქსი, რაც დინებაზე იმიტაციის თამაშს აუმჯობესებდა



       
                ძაფის ფერის ცვლით მიიღება სხვადასხვა მწერის იმიტაციები, მაგალითად Partridge&Green და Partridge&Yellow

                    
             ეს იმიტაციები გამოიყენება მედღეურასა და რუისელის იმიტირებისათვის. პოპულარობა განპირობებულია არა მხოლოდ ეფექტურობით, არამედ დამზადების ტექნიკის სიმარტივითაც.

Monday, January 7, 2013

Copper John

              
                გთავაზობთ მცირე სტატიას Fly Fishing - ის სამყაროს კიდევ ერთ ლეგენდაზე ჯონ ბარზე (John Barr) და მის მიერ შექმნილ იმიტაციაზე Copper John. 


            ამ ნიმფის პირველი პროტოტიპი ჯონმა 1993 წელს შექმნა, თუმცა, მისივე აღიარებით, საბოლოო სახე 1996 წელს ჩამოყალიბდა. მიუხედავად ასეთი "მცირე ასაკისა" ნიმფამ სულ მოკლე პერიოდში უდიდესი პოპულარობა მოიპოვა და უკვე 2001 წელს მისი გაყიდვები ლეგენდარული ნიმფის Hare's Ear - ის გაყიდვებს გაუთანაბრდა. ასეთ სწრაფ წარმატებას ობიექტური მიზეზები ჰქონდა. უპირველეს ყოვლისა მხედველობაში მისაღებია სპილენძის თავი, ტანი ფრთების პრიალა ჩანასახები, რაც იმიტაციას მიმზიდველობას მატებდა, მაგრამ მთავარი "კოზირი" წონა და წვრილი სილუეტი იყო, რაც ძლიერ დინებაზე ფსკერთან ახლოს ჭერის საშუალებას იძლეოდა. რაც შეეხება იმიტირების ობიექტს, Copper John ჩაფიქრებული იყო, როგორც მედღეურას ნიმფის იმიტაცია, თუმცა დამზადებისათვის გამოყენებული მასალების ფერის ცვლით შესაძლებელია იგი სხვა მრავალი მწერის ნიმფასაც მივამსგავსოთ.
                    ორიგინალურ ვერსიაში მის დასამზადებლად გამოიყენება  ნემსკავი Tiemco 5262, 2XL, 2X heavy, ზომა 10 - დან 20 ნომრამდე, კუდისა და ფეხებისათვის კაკბის ბუმბული, სპილენძის თავი, აბდომენისთვის ფარშევანგის ბუმბული, ტანისთვის სპილენძის მავთული, ხოლო ფრთების ჩანასახისათვის კი ეპოქსიდის წებოთი დაფარული ინდაურის ბუმბული. დღესდღეისობით მასალებმა მცირედი ცვლილება განიცადეს, კერძოდ კი ფეხებს ამზადებენ ქათმის ბუმბულისგან, კუდს ბატის ბიოტებისგან, ფრთების ჩანასახებს კი სინთეთიკისაგან, მაგალითად მე ვიყენებ კომპანია - Virtual Nymph- ის მიერ შექმნილ პროდუქტს  Water Wing
                 ეს კი ამ ნიმფის დამზადების ერთ - ერთი ვარიანტი