Wednesday, November 30, 2011

არსენალის განახლება

           დაიწყო საახალწლო ფასდაკლებები და გადავწყვიტე არსენალის განახლება, დიდი ხანია მსუბუქი კლასის კომპლექტის აწყობა მსურდა. მოკლედ ასეთ ვარიანტზე შევჩერდი
კოჭა Cabela's WLx Fly Reel 4-5 კლასის და 4 კლასის ანკესი Ross Essence FW 7"6'.
          ანკესის არჩევა რეკლამიდან და ფასიდან გამომდინარე გადავწყვიტე, იგი წარმოებიდან უკვე მოხსნილია და მის მაგივრად გამოდის RX სერია. ეს სარეკლამო რგოლი


            ტესტირება


           პირდაპირ ვიტყვი, რომ არ ვარ კმაყოფილი, მაქვს მასზე 2-ჯერ იაფი (ყიდვის დროს არსებული ფასით) Sonik Sk3 9" 5/6 weight და Ross მასთან ახლოსაც ვერ მივა ვერც ხარისხით და ვერც ესთეტიკით, მოკლედ პირველი შთაბეჭდილება უარყოფითია, ვნახოთ რას იზავს პრაქტიკაში, რამდენად "გაადამიანურდება" მისი წყობა შნურით დატვირთვისას, ახლა კი, ჩემი აზრით, არის ძალიან უხეში კომბალი, Sonik-ისგან განსხვავებით არ ეტყობა, რომ ადამიანის მიერ არის შექმნილი, ამ შთაბეჭდილებას კიდევ უფრო აძლიერებს უკიდურესად არაპრაქტიკული და მძიმე ალუმინის ტუბუსი, რომელიც მოყვება.  
          რაც შეეხება კოჭას




           Cabela's WLx Fly Reel არის, კაბელასის შეკვეთით, ცნობილი კომპანია Lamson-ის მიერ დამზადებული პროდუქტი. მისი შეძენა ასევე ფასდაკლების გამო გადავწყვიტე, ფასი იგივეა რაც Lamson Konic



           ოღონდ მისგან განსხვავებით არის გამოჩარხული მაღალი ხარისხის საავიაციო ალუმინისაგან და არა ჩამოსხმული. ესეც Cabela's WLx Fly Reel მოქმედებაში

Wednesday, November 23, 2011

ისევ და ისევ კლასიკა

            უვდავი თემაა




თვითნაკეთი "გრეხილი" ლიდერები (ნაწილი მესამე)

           შემდეგი ეტაპისათვის დაგჭირდებათ 2 სიმძიმე, მათი დამზადება უმარტივესია, ვიღებთ ნებისმიერ სათევზაო მაღაზიაში ადვილად მოსაძიებელ სიმძიმეს და ვუყრით საკანცელარიო სამაგრს, ერთ ბოლოში ვუკეთებთ კაუჭს, მეორეში კი ყულფს.

           სიმძიმეებს კაუჭებით დავაფიქსირებთ A და  B სამაგრებთან, ხოლო მთელ კონსტრუქციას კი დიდი საკანცელარიო სამაგრით ვკიდებთ ხის ზედაპირზე, მაგალითად კარადის კარებზე




           მარცხენა სიმძიმეს ვაფიქსირებთ ხის ზედაპირზე ლურსმნით და ვიწყებთ ლიდერის დახვევას სიმძიმით საათის საწინააღმდეგო მიმართულებით ტრიალით, მანამ, სანამ მარჯენა მხარე მჭიდროდ არ დაეხვევა, ამის შემდეგ მარჯვენა მხარეს ისევ ვაფიქსირებთ კარებზე


            ვხსნით მარცხენა მხარეს ლურსმნიდან და ისევე, როგორც მარჯვენა მხარეს, ვახვევთ საათის საწინააღმდეგო მიმართულებით, შემდეგ ორივე სიმძიმეს ერთმანეთთან ვაკავშირებთ და უბრალოდ ხელს ვუშვებთ, ლიდერი თვითონ მიიღებს საბოლოო სახეს



            ლიდერი მზადაა, შნურთან დასაფიქსირებლად ვუკეთებთ უბრალო ყულფს, რომელსაც ვაძლიერებთ სამონტაჟო ძაფითა და წებოთი, ხოლო სატარებლისათვის კი პირადად მე ვიყენებ პიტცენბაუერის მეტალის რგოლებს
             შედარებისთვის ჩემი დამზადებული ლიდერი


            და რომან მოზერის ლიდერი, რომელსაც პიტცენბაუერის მეტალის რგოლი საერთოდ არ ჰქონდა და მე დავუმატე. სხვათაშორის ფოტოს გადასაღებად ნორმალურად გაშლა ვერ მოვახერხე, აქვს საკმაოდ დიდი მახსოვრობა, რაც უცნაურია, იმიტომ რომ, როგორც საიტზეა მითითებული, მოზერი მათ ფლუოროკარბონისგან ამზადებს


           ნახეთ რა ღირს მოზერის ლიდერი და ნახეთ რა ღირს Berkley-ის 300 იარდიანი მონოფილი, რომლისგანაც უკვე 8 ლიდერი დავამზადე და კიდევ დარჩა საკმაო მასალა.


 




        

თვითნაკეთი "გრეხილი" ლიდერები (ნაწილი მეორე)

            ვაგრძლებთ საუბარს თვითნაკეთი "გრეხილი" ლიდერების დამზადების შესახებ.
            თვალსაჩინოებისთვის ძუის ნაცვლად გამოყენებულია ძაფი.
            A სამაგრზე ყულფით ვაფიქსირებთ ძუას და მიგვყავს 1 სამაგრამდე, სამაგრის გარეთა მხრიდან, ვაბრუნებთ უკან, A სამაგრისკენ და იგივეს ვიმეორებთ 5-ჯერ.



            გადაგვყავს ძაფი მეორე სამაგრისკენ, ვაბრუნებთ პირველი სამაგრისკენ და იგივეს ვაკეთებთ 3-ჯერ, ისე, რომ სამივეჯერ 2 სამაგრიდან 1 სამაგრისაკენ მიმავალი ძაფი ამოტარებულ იქნას A-და 1 სამაგრს შორის არსებულ ხვეულებში. 



            3 სამაგრის გარეთა მხრის შემოვლით გადაგვყავს ძაფი 4 სამაგრისკენ და ისევ ვაბრუნებთ  2 სამაგრთან, ამოვატარებთ 1 და 2 სამაგრების ხვეულებში და გადაგვყავს 5 სამაგრისკენ, ვაკეთებთ 3 ხვეულს 4 და 5 სამაგრებს შორის, ძაფის ხვეულებში ამოტარებით.


            გადაგვყავს ძაფი B სამაგრისკენ და ვაკეთებთ 5 ხვეულს უკვე ჩვეული წესის დაცვით (ამოტარებით). საბოლოოდ ვაფიქსირებთ ძაფს B სამაგრზე. საბოლოოდ უნდა მივიღოთ ასეთი კონსტრუქცია.


            

Thursday, November 17, 2011

თვითნაკეთი "გრეხილი" ლიდერები (ნაწილი პირველი)

           თანამედროვე პრაქტიკაში გრეხილი ლიდერები სულ უფრო მჭიდროდ იკავებენ ადგილს, მათ დადებით და უარყოფით თვისებებზე ბლოგის ფურცლებზე უკვე გვქონდა საუბარი. მე უკვე მეორე წელია ვსარგებლობ თვითნაკეთი ლიდერებით, გთავაზობთ სტატიას მათი დამზადების შესახებ.


               სტატიაზე მუშაობისას გამოყენებულია  ინტერნეტ ფორუმ http://www.flyfishing.spb.su/ - ზე არსებული ინფორმაცია და ფოტოები.
               იმისდა მიხედვით, თუ რა მასალას გამოვიყენებთ ლიდერის დამზადებისას, მივიღებთ სხვადასხვა ფიზიკური თვისებების საბოლოო პროდუქტს. მონოფილისაგან მზადდება მცურავი ლიდერი (ფლოატანტის დამატებით), ფლუოროკარბონისგან ძირვადი. პირადად მე ვიყენებ 0,12 მმ კვეთის მქონე "Berkley"-ს მონოფილს, რომელიც იყიდება 300 იარდიან ხვეულებში. 
            ორიგინალური მეთოდი გულისხმობს სპეციალური დაზგის დამზადებას, რომელიც ასე გამოიყურება და საკმაოდ დიდ ადგილს იკავებს


           ბევრი ფიქრის შემდეგ ვცადე დაზგის საერთოდ ამოღება და მის მაგივრად ვიყენებ ჩვეულებრივ საკანცელარიო სამაგრებს (დიდი ზომის) სულ 7 ცალი დაგჭირდებათ


          ხოლო დაზგის მაგივრობას კი წიგნების თაროები მიწევს, ანუ მონტაჟის მთელი პროცესი ჰორიზონტალურიდან ვერტიკალურ სიბრტყეში გადავიტანე.


            სურათზე სიმარტივისათვის ყველა სამაგრი დისტანციის დაცვის გარეშე ერთ თაროზეა დაფიქსირებული, რეალობაში საჭიროა მეორე ასეთი თაროც (გვერდით მიდგმული)
             სანამ სამაგრებს დავაფიქსირებთ საჭიროა გადავწყვიტოთ რა სიგრძის ლიდერის დამზადება გვსურს და შემდეგ სამაგრები ამ გრაფიკში მოცემული მანძილების გათვალისწინებით დავამაგროთ თაროზე.
            5-6 ფუტის სიგრძის ლიდერისათვის ზომები შემდეგია (ზომები მოცემულია დიუიმებში, 1 დიუიმი = 2,54 სმ)


             7-8 ფუტის სიგრძის ლიდერისათვის


            9-11 ფუტის სიგრძის ლიდერისათვის



           A და B არის A და B სამაგრები ზედა სურათზე ხოლო Нагель კი შესაბამისი ნომრის მქონე სამაგრები, ზომების ათვლა ხდება  A და B სამაგრებიდან.

         

           

Saturday, November 5, 2011

Elk Hair Caddis

           
          კიდევ ერთი ცნობილი იმიტაცია, ამჯერად Elk Hair Caddis, რომელიც შექმნილია მონტანელი ალ ტროტის (Al Troth) მიერ და ასახავს რუისელის ზრდასრულ ფორმას


        მისი დამზადებისათვის გამოიყენება შემდეგი მასალები: ფრთა-ირმის ბეწვი, ტანი სინთეთიკური დაბინგი, ფეხები - გენეტიკური მამლის ბუმბული, სეგმენტაცია-ლურექსი ან წვრილი მავთული.
        ესეც გასართობად

Friday, November 4, 2011

Rod Building (ნაწილი მეხუთე)

           ესეც ფინალური სტადია.






Rod Building (ნაწილი მეოთხე)

           ვაგრძელებთ







Rod Building (ნაწილი მესამე)

           ნაწილი მესამე








Rod Building (ნაწილი მეორე)

           გთავაზობთ მეორე ნაწილს.






Rod Building (ნაწილი პირველი)

            რა თქმა უნდა კარგია, როდესაც გაქვს მაღალი კლასის ანკესი, მაგრამ უკეთესია, როდესაც საკუთარი ხელით ქმნი ისეთ ინსტრუმენტს, რომელიც კონკრეტულ მოთხოვნილებებს ნებისმიერ ბრენდზე უკეთესად პასუხობს, წარმოგიდგენთ Rod Building - ის ვიდეო ციკლს






Yellow Stimulator

           კიდევ ერთი, ამჯერად შედარებით თანამედროვე ლეგენდა - Yellow Stimulator. ალბათ სწორედ მისი წარმატებულობა განაპირობებს იმას, რომ დღემდე არ წყდება კამათი მისი ავტორის ვინაობის შესახებ.


           არსებობს მოსაზრება რომ მისი პირველი პროტოტიპი XX საუკუნის 40-იან წლებში შექმნა ამერიკელმა პატ ბარნესმა (Pat Barnes), იმ დღეს, როდესაც იგი ტეხასელთა ჯგუფს ერთ-ერთ მდინარეზე გიდობას უწევდა. ამ გასვლისას პატარა ზომის იმიტაციებზე თევზაობა წარუმატებელი აღმოჩნდა და პატმა, მის ხელთ არსებული მასალებით, შექმნა მეგაზაფხულის ზრდასრული ფორმის იმიტაცია შედარებით დიდი ზომის ნემსკავზე, რომელიც დიდი წარმატებით გამოიცადა იმავე დღეს და, დიდი ზომის გამო, ეწოდა "Sofa Pillow", შემდეგ, 50-იან წლებში "Super Sofa Pillow" და "Improved Sofa Pillow".
         ზოგი მის ავტორობას ცნობილ რანდალ კაუფმანს (Randall Kaufmann) მიაწერს, ზოგი კი ჯიმ სლეტერის (Jim Slattery), რომელმაც ამ ვერსიის თანახმად შექმნა იმიტაცია  "Fluttering Stonefly" XX საუკუნის 80-იან წლებში და შემდგომ, ერთ-ერთი ნიუ-იორკული პანკ ჯგუფის საპატივცემულოდ უწოდა "Yellow Stimulator".
        ასეა თუ ისე, ფაქტი ერთია, ამ იმიტაციამ მოფლიო აღიარება ძალიან სწრაფად მოიპოვა, დიდ ზომებში გამოიყენება მეგაზაფხულის იმიტაციისათვის, ხოლო შედარებით მომცრო ვარიანტი კი რუისელის ზრდასრულ ფორმას ასახავს.
        მისი დამზადებისათვის გამოიყენება შემდეგი მასალები: სპეციალური ფორმის ნემსკავი (მაგალითად Tiemco 200R ან მისი ანალოგი), კუდისთვის და ფრთისთვის ირმის ბეწვი, ტანისთვის სინთეთიკური დაბინგი (ყვითელი), ტორაქსი - იგივე დაბინგი ოღონდ სტაფილოსფერი, ფეხები - გენეტიკური მამლის ბუმბული (გრიზლი), საყელო-გენეტიკური მამლის ბუმბული (ყავისფერი).
        დღესდღეისობით ამ იმიტაციის დასამზადებლად სხვადასხვა ფერის დაბინგს იყენებენ, შესაბამისად იცვლება სახელიც, მაგალითად ზეთისხილისფერი დაბინგის გამოყენებით მივიღებთ "Olive Stimulator"- ს. გთავაზობთ დეივი მაკფეილისეულ ვარიანტს


            ესეც კლასიკა